Ջերոմ Ֆլին

Ջերոմ Ֆլին; անգլ.՝ Jerome Flynn
Ծնվել է	մարտի 16, 1963 (61 տարեկան)
Ծննդավայր	Բրոմլի, Մեծ Լոնդոն, Անգլիա, Միացյալ Թագավորություն
Կրթություն	Խոսքի և դրամայի կենտրոնական դպրոց և Knole Academy?
Քաղաքացիություն	Միացյալ Թագավորություն
Մասնագիտություն	դերասան, ռեժիսոր, կինոդերասան, երգիչ և հեռուստատեսային դերասան
Ծնողներ	հայր՝ Eric Flynn?, մայր՝ Fern Warner?
	jeromeflynn.com

Ջերոմ Ֆլին (անգլ.՝ Jerome Flynn, մարտի 16, 1963(1963-03-16)^[1], Բրոմլի, Մեծ Լոնդոն, Անգլիա, Միացյալ Թագավորություն), անգլիացի դերասան։ Առավել հայտնի է դարձել, նկարահանվելով ITV հեռուստաընկերության «Զինվոր, զինվոր» մինի սերիալում, որտեղ մարմնավորել է թագավորական ֆուզիլերներից մեկի դերը։ Բացի այդ, նկարահանվել է նաև Գահերի խաղը հեռուստասերիալում, որտեղ մարմնավորել է վարձկան Բրոնի դերը։

Կենսագրություն

Ծնվել է Քենթ կոմսության Բրոմլի գյուղում եգիչ և դերասան Էրիկ Ֆլինի և արվեստի ուսուցչուհի Ֆերն Ֆլինի ընտանիքում^[4]։ Ունի եղբայր՝ Դենիել Ֆլինը, ով նույնպես դերասան է։ Հոր երկրորդ ամուսնությունից ունի եղբայր և երկու քույր՝ երաժիշտ Ջոնի Ֆլինը, Քերրի Ֆլինը և Լիլի Ֆլինը։

Ջերոմը ներկայումս բնակվում է Ուելսի Փեմբրուկշիր կոմսությունում։ Բուսակեր է։

Կարիերա

1986 թվականին նկարահանվել է «Այրվող Լոնդոնը» հեռուստասերիալի պիլոտային սերիայում, որտեղ մարմնավորել է հրշեջ Քեննի «Ռեմբո» Բեյնսի դերը։ 1992 թվականին մարմնավորել է սերժանտ դետեկտիվ Էդդի Հարգրիվզի դերը՝ ոստիկանական «Տողերի արանքում» հեռուստասերիալում։ Ֆլինը եղել է «Ռոբսոն և Ջերոմ» դուետի մասնակիցներից մեկը, ով կատարել է «Unchained Melody», «I Believe» և «What Becomes of the Brokenhearted» երգերի քավըր տարբերակները, որոնք 1995 և 1996 թվականներին եղել են բրիտանական հիթ շքերթների գագաթնակետին։ 2007 թվականին Ֆլինը՝ որպես ռեժիսոր, նկարահանել է «Ռուդի պատմություններ» ֆիլմը, որտեղ մարմնավորել է նաև գլխավոր դերերից մեկը։ Ֆիլմը բաղկացած է Ջերոմ Ռուդի մասին պատմող մի քանի պատմություններից, որի դերը մարմնավորել է հենց Ֆլինը։ Ֆիլմը ցուցադրվել է Փեմբրուկշիրի շրջանի մի քանի անկախ կինոթատրոններում։ 2010 թվականի հուլիսին հայտարարվեց, որ Ֆլինը կմարմնավորի վարձկան Բրոնի դերը՝ «Գահերի խաղը» հեռուստասերիալում, որը նկարահանվել է Ջորջ Մարթինի «Սառույցի և կրակի երգ» գրքի հիման վրա։ Հեռուստասերիալը ցուցադրվում է HBO-ի եթերում^[5]^[6]։ Հեռուստասերիալը ցուցադրվում է 2011 թվականից։

Դերասանը «Tommy Zoom» հեռուստաշոուում ձայնակցել է Դենիելի շանը։

Ծանոթագրություններ

↑ ^1,0 ^1,1 Internet Movie Database — 1990.
↑ High Profile Alumni — Central School of Speech and Drama.
↑ ^3,0 ^3,1 ^3,2 ^3,3 ^3,4 Pas L. v. Genealogics — 2003.
↑ Swann, Yvonne; Ellis, Janet (2009 թ․ օգոստոսի 15). «Me an My School Photo». Daily Mail - Weekend magazine.
↑ Game of Thrones cast gets local additions BBC News. Northern Ireland. 20.07.10
↑ Джордж Мартин From HBO Not a Blog. 16.07.10

Վիքիպահեստն ունի նյութեր, որոնք վերաբերում են «Ջերոմ Ֆլին» հոդվածին։

[_209975b233306de7-1] 1,0 ^1,1 Internet Movie Database — 1990.

[_e1ca6e7283051368-2] High Profile Alumni — Central School of Speech and Drama.

[_e530c2e1108ddda6-3] 3,0 ^3,1 ^3,2 ^3,3 ^3,4 Pas L. v. Genealogics — 2003.

[4] Swann, Yvonne; Ellis, Janet (2009 թ․ օգոստոսի 15). «Me an My School Photo». Daily Mail - Weekend magazine.

[5] Game of Thrones cast gets local additions BBC News. Northern Ireland. 20.07.10

[6] Джордж Мартин From HBO Not a Blog. 16.07.10

[1]

[2]

[3]

[4]

[5]

[6]